АҚШ да бугунги кунда давлат сиёсати эмас, Трампларнинг оилавий ҳаёти суҳбат мавзусига айланди, деб хабар берди Ntv.ru нашри.
Журналистлар таниқли одамларнинг оиласидаги ҳар бир икир-чикирга эътибор қаратишни хуш кўради. Мамлакатнинг биринчи хоними ҳақида гап кетар экан, унинг ижтимоий тармоқдаги оддий лайки ҳам бир олам миш-мишлар пайдо бўлишига сабаб бўлади. ОАВлар Мелания Трампнинг Оқ уйга, турмуш ўртоғининг олдига кўчиб ўтишни истамаётганлигини уларнинг ажрашаётганлиги билан изоҳлади. Бу хабар бироз унутилганда, Мелания Трамп янги ғийбатлар учун замин яратди. Мазкур жуфтликнинг гажетларга нисбатан муҳаббати анчадан бери уларга турли муаммоларни туғдириб келмоқда. Смартфонларнинг Трамп оиласига халақит қилаётганини сенатдагилар ҳам англади. Дональд Трампнинг Twitter ижтимоий тармоғида фаоллигини сезиб қолган сенат қўмитаси раиси Боб Коркер президентдан телефонни олиб қўйишни таклиф этди. Унинг бундай қарорга келишига Трампнинг республикачилар бюджет лойиҳасини ҳимоя қилолмаганлиги сабабли ҳукуматни ёпиш ҳақидаги кескин твити сабаб бўлди. Мелания ҳам турмуш ўртоғидан ортда қолишни истамади. У нафақат мамлакатнинг, балки Америка Интернетининг ҳам биринчи хонимига айланиб улгурди. Ижтимоий тармоқ фойдаланувчилари унинг либосларини, қадди-қомати, хатти-ҳаракатларини қизғин муҳокама қилишга одатланди. Аммо нью-йорклик продюсерлардан бирининг твити ҳақиқий шов-шувга сабаб бўлди. У Меланиянинг турмуш ўртоғига ташлаган назарини таҳлил қилар экан, президент Мексика давлати чегарасига қуришни режалаштирган девор уларнинг орасида ҳам пайдо бўлганига шама қилган эди. Мазкур твитга қўйилган биргина лайк унинг рейтингини ошириб юборди. Энг қизиғи шундаки, мазкур твитга Мелания Трампнинг ўзи лайк босди.
29.04.2024, 18:03
АҚШнинг Огайо штатида яшовчи 74 ёшли Энн Маерс Фейрфилд шаҳридаги банкни ўмаришда айбланмоқда. Бу ҳақда zamon.uz хабар берди. Тинтув чоғида машинадан ўғирлик пайтида қўллангани айтилаётган тўппонча, шунингдек, аёлга тегишли...
19.04.2024, 17:02
Қўшма Штатлар Фаластинни БМТга тўлақонли аъзо сифатида қабул қилиш резолюциясини блоклади. Давлатлар ташкилот Хавфсизлик кенгаши йиғилишида вето ҳуқуқидан фойдаланди. Бу ҳақда “ТАСС” хабар берди.Ҳужжатни Хавфсизлик...
27.12.2022, 10:08
АҚШда қишки бўрон туфайли камида 50 киши ҳалок бўлди, деб хабар берган NBC News. Телеканалнинг аниқлик киритишича, қурбонларнинг аксарияти - камида 14 нафари Нью-Йорк штати...
03.12.2022, 12:40
АҚШ янги B-21 Raider стратегик бомбардимончи самолётини намойиш этди. Самолёт жаҳондаги илк олтинчи авлод бомбардимончиси ҳисобланади, дея ёзмоқда "zamon.uz".Унинг намойишида АҚШ мудофаа вазири Ллойд Остин иштирок этган."Бу...
