АҚШнинг Миссури штатидаги Сент-Луис шаҳар суди Johnson & Johnson холдинг компаниясининг маҳсулотидан фойдаланиб, саратонга чалинган аёлга компания томонидан 110 миллион доллар товон пули тўлашга ҳукм чиқарди, деб хабар берди Ria.ru нашри.
Виржиния штатида яшовчи аёл 40 йил мобайнида мазкур компаниянинг упали талкидан фойдаланиб келган. 2012 йилда унга тухумдонлар саратони ташхиси қўйилган, яқинда эса метастаза таъсирида жигари ишдан чиққан. Айни пайтда у кимётерапия қабул қилмоқда. Аёл саратонга чалинишига айнан Johnson & Johnson компаниясининг маҳсулоти сабаб бўлган, деб ҳисобламоқда.
Компания эса улар ишлаб чиқарган маҳсулотлар безарарлигини исботлашга ҳаракат қилди. Компания саратонга чалинган аёлнинг дардига ҳамдардлигини билдириб, суд ҳукмидан норози бўлгани ҳақида шикоят аризаси бериши ҳақида маълум қилди.
Суд ҳукмига биноан мазкур компания тўлаши лозим бўлган 110 миллион доллар унинг тарихидаги энг рекорд даражадаги товон пулидир. Шу пайтгача компанияга нисбатан 2,4 минг маротаба шикоят аризаси тушган. Ўтган йилнинг февраль ойида суд тухумдон саратонидан вафот этган аёлнинг оиласига 72 миллион доллар товон пули тўлаш ҳақида компанияга нисбатан ҳукм чиқарган эди. Орадан кўп ўтмай, яна бир саратонга чалинган аёлнинг шикоятига биноан суд Johnson & Johnson компаниясини 55 миллион доллар товон пули тўлашга ҳукм қилган эди.
22.04.2024, 16:16
Марказий банк хорижий валюталарнинг ўзбек сўмига нисбатан 23 апрельда амалда бўладиган қийматини эълон қилди. АҚШ доллари курси 21,00 сўмга ошиб, 12 711,00 сўм этиб белгиланди.Евро курси 12,22...
19.04.2024, 17:02
Қўшма Штатлар Фаластинни БМТга тўлақонли аъзо сифатида қабул қилиш резолюциясини блоклади. Давлатлар ташкилот Хавфсизлик кенгаши йиғилишида вето ҳуқуқидан фойдаланди. Бу ҳақда “ТАСС” хабар берди.Ҳужжатни Хавфсизлик...
19.04.2024, 16:31
Марказий банк хорижий валюталарнинг ўзбек сўмига нисбатан 22 апрельда амалда бўладиган қийматини эълон қилди. АҚШ доллари курси 7,00 сўмга тушиб, 12 690,00 сўм этиб белгиланди.Евро курси 21,43...
27.12.2022, 10:08
АҚШда қишки бўрон туфайли камида 50 киши ҳалок бўлди, деб хабар берган NBC News. Телеканалнинг аниқлик киритишича, қурбонларнинг аксарияти - камида 14 нафари Нью-Йорк штати...
