Бирменгемда яшовчи етти ёшли Анунинг янги протез оёқда мактабга келганини синфдошлари илиқ кутиб олгани акс этган видео барча ижтимоий тармоқ фойдаланувчиларига қаттиқ таъсир қилди, деб хабар берди Ria.ru нашри.
Видеода Ануни синфдошлари ўраб олиб, унинг “янги оёғини” томоша қилганлари, ўғил болалардан бири “зўр-у!” дегани ва биргаликда ўйнаш учун югуриб кетганлари акс этган.
Ану туғилгандаёқ оёғи кесиб олиб ташланган. У шу пайтгача бошқа протезда юрган. Мазкур протезда юриш мумкин бўлса-да, югуриш, ўйнаш ва рақсга тушишнинг иложи бўлмаган. Нашрнинг маълумот беришича, Буюк Британия соғликни сақлаш Миллий хизмати бюджети жорий йилда бир ярим миллион фунт ортиқча маблағга эга бўлиб, Ануга ўхшаган ногирон болалар замонавий протезлар билан таъминланди.
