Новосибирск шаҳрида яшовчи аёл кичкина қизи телефон ўнаётганда халақит қилгани учун уни жазолаш мақсадида ахлат контейнерига ташлаган, деб хабар берди 1tv.ru нашри.
Болалар майдончасида ўйнаётган болалар қизчанинг ахлат контейнери ичида бақириб йиғлаганини эшитиб унинг олдига югуриб келишди. Улар мазкур воқеани видеога олиб, Интернетга жойлаштиришди. Болалар қизчанинг онасидан уни ахлат қутидан чиқаришни илтимос қилишганига қарамай, аёл болалардан унинг ишига аралашмасликни талаб қилди. Орадан маълум вақт ўтгач, у қизчани ахлат контейнеридан чиқариб олди. Мазкур видеони Тергов қўмитаси ўрганмоқда. Ҳуқуқшуносларнинг айтишича, аёл мазкур ноқонуний ҳатти-ҳаракати учун васийлик органи ҳисобига олинади. Агар экспертиза аёлнинг бу ҳаракати қизчанинг руҳиятига салбий таъсир қилганини аниқласа, унга нисбатан жиноят иши қўзғатилади ва икки йилгача озодликдан маҳрум этиш жазоси тайинланади.
