Ўзининг провокацион карикатуралари билан машҳур бўлган Франциянинг Charlie Hebdo нашри янги сонида мамлакатнинг янги президенти Эммануэль Макроннинг рафиқаси акс эттирилган карикатурани чоп этди.
Карикатурада 64 ёшли Брижит Макрон ҳомиладор кўринишда акс эттирилган.
Рафиқасидан 24 ёш кичик бўлган Макрон эса суратда унинг қорнини ушлаб турибди. Карикатура “У мўжизалар яратади” тарзида изоҳланган.
Эр-хотин Брижит бўлажак президент ўқиган мактабда француз тилидан дарс берган пайтда танишишган.
Макрон Брижитнинг биринчи никоҳидан бўлган болаларига оталик қилади.
Бироқ уларнинг ўзларининг фарзандлари йўқ.
7 май куни бўлиб ўтган сайловларда Эммануэль Макрон 66% сайловчилар меҳрини қозониб, мамлакат президенти бўлди.
