Бишкек шаҳрининг Первомай туман суди Қирғизистоннинг собиқ президенти Қурманбек Бакиевнинг ўғли Максим Бакиевни коррупция ва катта миқдордаги пулни ўзлаштиришда айблаб, сиртдан учинчи маротаба умрбод қамоқ жазосига ҳукм қилди, деб хабар берди Lenta.ru нашри.
2014 йилнинг октябрь ойида мазкур суд Максим Бакиевни “Азияуниверсалбанк” ҳисобидан 50 миллион доллар маблағни ўзлаштирганликда айблаб, умрбод қамоқ жазосига ҳукм қилинган эди. 2014 йилнинг апрель ойида эса Максим Бакиев бизнесмен Шон Дейлнинг жонига қасд қилишда айбланиб, иккинчи маротаба умрбод қамоқ жазосига ҳукм қилинди. Қирғизистоннинг собиқ президенти Қурманбек Бакиев 2010 йилда лавозимидан айрилгач, Белорусь республикасига қочиб кетган эди. Унинг ўғли Максим айни пайтда Буюк Британиянинг Лондон шаҳрида муҳожир-қочоқ мақомида истиқомат қилмоқда.
