Тошкент солиқ коллежида Ўрта махсус касб-ҳунар таълими марказининг 2017 йил 7 июндаги “Ўрта махсус касб-ҳунар таълими муассасалари ўқувчилари билан олиб бориладиган тарбиявий ишлар самарадорлигини ошириш тўғрисида” ги буйруғи асосида “Олийжаноб инсон фазилатлари”, “Качества благородноги человека” номли беш кунлик ўқув курсларини ўқитиш бошланди.
Ўқув курсларини ўтилишини ташкил этишдан мақсад коллеж ўқувчиларида олийжаноблик фазилатларининг мазмуни, моҳияти ва аҳамияти тўғрисидаги кўникмаларни шакллантириш, меҳр мурувват, ўзаро ҳурмат, ҳамжиҳатлик, бағрикенглик, каби ахлоқий қадриятларни ўзида мужассам этган олийжаноблик фазилатларини ўқувчилар онгига сингдиришга чуқур қаратилган кенг қамровли маънавий маърифий ишлар таъсирчанлигини оширишдир.
Ўқув курсларида тажрибали педагог ва тарбиячилар томонидан ўқувчи ёшларга олийжаноблик, меҳр мурувват, ўзаро ҳурмат, ҳамжиҳатлик, бағрикенглик, каби ахлоқий қадриятлар кенг ёритилган юзлаб атоқли муаллифларнинг бадиий адабиётлари, ўндан зиёд газета ва журналлар, интернет нашрларини мутоола қилиш тарғиб қилинди.
Барча ўқувчилар ўртасида “Олийжаноблик инсон фазилатлари”, “Качества благородного человека” мавзуларида иншолар танлови эълон қилиниб, ўқувчилар орасидан энг яхши иншолар муаллифларини аниқлаш ва уларни қимматбаҳо совринлар билан рағбатлантириш белгилаб олинди.
Шу куни юзлаб ўқувчилар коллеж Ахборот ресурслар марказидан бадиий китоблар олишди. Китоб дўконларига ташриф буюришиб бадиий адабиётлар сотиб олишди.
