Йўловчи аёл чамадондаги кийимлари орасига 8 ёшар ўғлини яшириб, ноқонуний йўл билан Польша ҳудудига жамадонда олиб ўтишга ҳаракат қилди, дея хабар беради РИА Новости.
Поездга чиқиш жараёнидаги текширувда божхона ходимлари йўловчи аёлнинг жамадонида бола борлигини аниқлашди. Боланинг тегишли ҳужжатлари йўқ эди.
Бу йўловчи аёлнинг иккинчи уриниши эди. Жорий йилнинг 11 июнь куни ҳам ушбу аёл ўғлини ноқонуний ўтказишга ҳаракат қилган эди.
Украиналик аёл ушбу ноқонуний ҳаракати учун ҳуқуқ-тартибот органлари томонидан жаримага тортилди.
