Сешанба куни ҳарбийлар Брюссель вокзалларидан бирида портлашни амалга оширган эркакни отиб ўлдирди, деб хабар берди Ria.ru нашри.
Мазкур ҳодиса теракт, деб баҳоланди. Терактда унинг ташкилотчисидан бошқа ҳеч ким жабрланмади. Белгия пойтахтидаги марказий темирйўл вокзали олдида юз берган ва полиция томонидан «кичик портлаш», деб аталган воқеадан сўнг жамоатчилик транспорти ҳаракати тўхтаб қолди. Зудлик билан одамлар эвакуация қилинди. Бельгия оммавий ахборот воситаларининг хабарига кўра, полициячилар белбоғига портлатгич боғлаб олган инсонни йўқ қилган.
