Заҳри ўлимга олиб келувчи қизил, оловранг чумоли Жанубий Америкадан Японияга етиб келди, деб хабар берди Tvzvezda.ru нашри.
Асл ватани Жанубий Америка бўлган, заҳри инсон ўлимига сабаб бўлувчи қизил чумоли Япониянинг Нагоя шаҳар портидан топилди. Мутахассислар чумолиларни портга олиб келинган контейнерлар ичидан топди. Заҳарли чумолилар ўша ернинг ўзида йўқ қилинди. Аммо кема Японияга келгунга қадар, бошқа бир қанча давлатларнинг портига ҳам тўхтаган. Энтомологлар чумолиларнинг бутун дунё бўйлаб тарқалишидан хавфсирамоқда. 2017 йилнинг май ойида қизил чумолилар худди шу тарзда, контейнер ичидан Япониянинг Коби портида ҳам топилган эди.
Қизил чумолиларнинг заҳри жуда кучли бўлиб, аллергиядан азият чекувчи инсонлар учун жуда хавфлидир.
