Олмати шаҳрида ўтказилган мусобақада қозоғистонлик велопойгачи қиз Дана Ахматова тўсатдан вафот этди, деб хабар берди Tvzvezda.ru нашри.
Ёшлар ўртасида ўтказилган IV спорт ўйинларида 17 ёшли қозоғистонлик велопойгачи қиз трассада кетаётганда ўзини ёмон ҳис қилган. Дана Ахматованинг мураббийи уни тўхтатиб, тез ёрдамни чақирди. Қиз тез ёрдам автомашинасида касалхонага олиб кетилди, аммо 29 июнь куни Дана Ахматова касалхонада вафот этди. Қуёш уриши унинг ўлимига сабаб бўлганлиги тахмин қилинмоқда.
