Индонезиянинг Ява оролида вулқон отилиши оқибатида жабрланганларга ёрдам бериш учун ҳавога кўтарилган вертолёт қулаб, 8 киши ҳалок бўлди, деб хабар берди Mir24.tv нашри.
Ҳалок бўлганларнинг тўрт нафари ҳарбий денгиз кучлари офицери ва тўрт нафари қутқарувчилар бўлган. Вертолёт Динеги тоғига кўтарилаётганда қояга урилган. Ҳалок бўлганларнинг жасади касалхонага олиб келинди.
Якшанба куни эрталаб, Марказий Ява вилоятида вулқон отилди. Кратердан лава отилганда, 15 метр узоқликда бўлган ўнлаб сайёҳлар жабрланди.
