2016 йил 19 август куни, Икромов Дониёр Илхомович, Юнусобод тумани ҳудудида, фуқаро Худайбергенова Фариданинг ишончига кириб, унга икки ой давомида “Орландо” русумли автомашинасини олишда ёрдам беришни ваъда қилиб, 10.000 АҚШ доллари миқдоридаги пулларини алдов йўли билан қўлга киритган, деб хабар беради Тошкент шаҳар Ички ишлар бошқармаси.
Мазкур ҳолат юзасидан Юнусобод тумани ИИБ ҳузуридаги Тергов бўлими томонидан Ўзбекистон Республикаси ЖКнинг 168-моддаси 1-қисми (фирибгарлик, яъни ўзганинг мулкини алдаш ва ишончни суиистеъмол қилиш йўли билан қўлга киритиш) аломатлари билан жиноят иши қўзғатилган.
Ҳозирда дастлабки тергов ҳаракатлари давом эттирилиб, унинг бошқа жиноятларга алоқадорлиги текширилмоқда.
Жабрланувчининг анкета маълумотлари ўзгартирилган бўлиб, фамилияси ва исми хар қандай ўхшашлиги тасодифий ҳарактерга эга.
