Калифорния пляжи қирғоқларидан топилган ғалати махлуқнинг жасади ижтимоий тармоқ фойдаланувчиларининг бош қотиришига сабаб бўлди, деб хабар берди Tengrinews.kz нашри.
Махлуқнинг боши, оғзи, кўзи ва сузғичлари йўқ. Сурат муаллифининг сўзларига қараганда, махлуқнинг бўйи 13 сантиметр бўлиб, оғирлиги 3,2 килограммни ташкил этади. Муаллиф фойдаланувчилардан бу қандай ҳайвон эканлигини сўраган. Унинг саволига жавоб берган ижтимоий тармоқ фойдаланувчилари номаълум жонзотни ўлик денгиз қуёни, улкан шиллиқурт, деб атаган. Мутахассислар ҳам Малибу пляжидан топилган мазкур жонзотнинг жасади қайси ҳайвонга тегишли эканлигига жавоб топа олмади.
