1996 йилда бошланган миллий автомобиль қурилиши тарихида истеъмолчилар ўртасидаги энг талабгир модель номи маълум бўлди.
25 йил ичида Nexia-2 энг машҳур модель бўлди, ушбу давр ичида Nexia иккинчи авлоди 1 млн 60 минг 715 дона автомобиль сотилди.
Эслатиб ўтамиз, Nexia автомобилининг модернизацияси 2008 йилда ўтказилган. 1 августдан экологик стандартлар ва хавфсизлик тизими бўйича янги талаблар киритилиши муносабати билан Nexia 2 моделини ишлаб чиқариш тўхтатилган.
GM Uzbekistan компанияси берган маълумотларга кўра, автомобилнинг эскирган архитектурасига талаб қилинадиган хавфсизлик тизимини ўрнатишнинг имконияти йўқлиги сабабли янги авлод Nexia 3 автомобили яратилди.
