Лақаби “Энгак” бўлган америкалик Жоуи Честнат (Joey Chestnut) хот-дог ейиш бўйича ўтказилган Nathan's Annual Famous International Hot Dog Eating Contest номли чемпионатда янги рекорд ўрнатди, деб хабар берди Lenta.ru нашри.
У ўн дақиқа ичида 72 дона сосискали булочкани истеъмол қилди. Ҳар йили 4 июль — АҚШ мустақиллиги куни муносабати билан Нью-Йоркда ўтказиладиган мусобақа акс видео YouTube каналига жойлаштирилди.
33 ёшли Жоуи Честнат ўнинчи ғалабани қўлга киритди. У ўтган йили мазкур мусобақада 70 дона хот-дог ейишга муваффақ бўлган эди. Аёллар ўртасида ўтказилган мусобақада 20 ёшли Мики Судо (Miki Sudo) 41 та ход-догни истеъмол қилиб, тўртинчи маротаба ғолибликни қўлга киритди. У ўтган йили 39 та хот-догни истеъмол қилган эди. Ғолиблар 10 минг доллар мукофот пули билан тақдирланди. Тадбирга асосий таоми хот-дог бўлган, Америка ресторанлар тармоғи ҳисобланувчи Nathan's Famous компанияси ҳомийлик қилди.
