Учувчининг хатоси туфайли авиация тарихидаги энг катта фалокат юз бериши мумкин эди, деб хабар берди Vesti.ru нашри.
Air Canada компаниясининг самолёти Сан-Франциско аэропортининг қўниш йўлагига эмас, балки парвоз қилиш йўлагига қўнди. Самолёт қўнган вақтда мазкур йўлакда 4 та, бортида йўловчилар бўлган самолёт парвозга шайланиб турган эди.
Нашрнинг хабар беришича, диспетчернинг ҳушёрлиги туфайли фалокатнинг олдини олинди. У Торонтодан учиб келган самолёт экипажига аэробусни юқорига кўтариш ҳақида буйруқ берди. Лайнер ҳавода икки марта доира ясаб, керакли жойга муваффақиятли равишда қўнди. Аэропорт ва Air Canada компанияси ходимлари суруштирув ишларини бошлашди. Улар ҳозирча бўлиб ўтган ҳодисага изоҳ беришмади.
Air Canada компанияси самолётининг бортида 135 нафар йўловчи ва 5 нафар экипаж аъзоси бўлган. Қолган 4 та самолётдаги йўловчилар сони ҳақида маълумот берилмади.
