Мамлакат тарихидаги ҳали бундай воқеа рўй бермаган эди, деб хабар берди News.mail.ru нашри.
Бразилиянинг собиқ президенти Луис Инасиу Лула да Силва 12 июлда коррупция учун 9,5 йиллик қамоқ жазосига маҳкум қилинди. Бу ҳақда Globo телерадиокомпанияси маълум қилган.
У берган маълумотларга кўра, мазкур ҳукмни Куритиба шаҳри федерал суди судьяси Сержиу Мору чиқарган. У собиқ президентни "пассив коррупция ва пул ювиш" ҳолатлари бўйича айбдор деб топган. Таъкидланишича, Бразилия тарихида биринчи маротаба собиқ президент коррупцияда айбланиб панжара ортига жўнатилмоқда.
