Антарктида ғарбида Ларсен С музлигининг улкан қисми ажралиб, тарихдаги энг катта айсберглардан бири юзага келди, деб хабар берди Ria.ru нашри.
Унинг майдони қарийб 6 минг квадрат километрга тенг бўлиб, бу Уэльс ҳажми билан тенг деганидир.
Олимлар улкан музликнинг ажралишини анчадан бери кутишаётганди. Илк бора ёриқ 2011 йилда пайқалган, 2014 йилдан эса у тезлик билан катталаша бошлаган.Олимларнинг маълумот беришича, айни пайтда ёриқ ҳажми йириклашиб бормоқда, оқим ҳамда шамоллар эса ажралиб чиққан музликни Атлантика океанига чиқариб ташлаши мумкин.
