Американинг Флорида штатидаги Майами-Бич шаҳрида Атлантика океанида чўмилаётган эркакка акула ҳужум қилди, деб хабар берди Vesti.ru нашри.
Одамларга яқинлашиб келаётган бир ярим метрлик акулани пляжда қоровуллик қилаётган қутқарувчи кўрди. У ҳуштак чалиб, дам олаётган одамларни акула хавфидан огоҳлантирди ва гидроциклда акула томон сузди. Аммо чўмилаётган 44 ёшли эркак қирғоққа чиқишга улгурмади. Акула уни қувиб етиб, оёғидан тишлади. Қутқарувчилар эркакни сувдан олиб чиқиб, биринчи ёрдам кўрсатишди. Эркак оёғидан оғир жароҳат олгани туфайли касалхонага ётқизилди ва операция қилинди. Айни пайтда эркакнинг ҳаёти хавф остида эмас.
Мутахассисларнинг фикрича, қутқарувчининг ҳуштаги акулага ёқмаган ва у бундан ғазабланиб, одамларга ҳужум қилган.
