Белорус республикасининг Дятлово шаҳридаги кўп қаватли уйларнинг учинчи қаватидан 6 ёшли бола ўзини ташлади, деб хабар берди Tengrinews.kz. нашри.
Воқеа кеча кечқурун рўй берган. “Бола онаси билан меҳмонга борган. Катталар кўчага сайр қилишга чиқмоқчи бўлиб, болани ҳам таклиф этишган. Бироқ бола уйда қолиб, компьютер ўйинларини ўйнашда давом этган.
Уйга қайтган она ва уй эгалари боланинг уйда йўқлигини, у деразадан пастга ўзини ташлаганлигини аниқлашган”, деб маълумот берди Беларус республикасининг Гродненский вилояти Тергов қўмитаси бошқармаси расмий вакили Сергей Шершеневич. Бола шифокорлар томонидан суяк синиши ва ички органларнинг жароҳати гумон қилиниб, зудлик билан касалхонага олиб кетилди. Аммо шифокорларнинг гумонлари тасдиқланмади, бола мунтазам кузатувга олинди.
“Воқеа жойи ва бола ўйин ўйнаган компьютерни кўздан кечирган терговчилар уйда ёлғиз қолган бола тажовузкор, қўрқувга солувчи виртуал ўйинни ўйнашга киришганлигини, бош қаҳрамоннинг буйруқларини бажаришдан ваҳимага тушганлигини аниқлашди. Бола қўрққанидан уйдан қочиб чиқмоқчи бўлган, бироқ эшик қулф бўлгани боис учинчи қават деразасидан ўзини пастга ташлаган”, деб маълумот берди Сергей Шершеневич.
