АҚШнинг собиқ президенти, 92 ёшли Жимми Картер организм сувсизланиши туфайли касалхонага ётқизилди, деб хабар берди Ntv.ru нашри.
Оқ уйнинг собиқ раҳбари Habitat for Humanity хайрия ташкилоти томонидан уйсизлар ва муҳтожлар учун қурилаётган уйларнинг қурилишида ёрдам бераётганда кун қизиб кетиши оқибатида ўзини ёмон ҳис қилди.
Жимми Картер зудлик билан касалхонага ётқизилди. Шифокорлар унга организмнинг кучли сувсизланиши, деб ташхис қўйишди. АҚШнинг собиқ президенти айни пайтда ҳам касалхонада даволанмоқда, унинг аҳволи қониқарли даражада.
Жимми Картер — АҚШнинг ўттиз тўққизинчи президенти ҳисобланиб, у мамлакатни 1977-1981 йилларда бошқарган.
