Мобиль телефондан фойдаланувчи Туркия фуқаролари амалга ошмаган давлат тўнтаришининг бир йиллиги муносабати билан мамлакат президенти Ражаб Тойип Эрдўғоннинг табригини эшитишди, деб хабар берди Tengrinews.kz нашри.
“Мамлакат президенти сифатида сизларни демократия ва халқ бирдамлиги куни билан муборакбод этаман! Жафокашларга авф, қаҳрамонларга соғлик ва омонлик тилайман!”, дейилган Turkcell ва Vodafone мобиль операторларига Эрдўғон томонидан ёзилган табрикда.
Президент табриги 15 июль куни ярим кечаси янгради. Алоқани улаб берувчи гудоклар Президент табригидан кейинги бошланди. Миллий байрам муносабати билан Turkcell фойдаланувчиларига бепул трафик гигабайти тақдим этилди.
Эслатиб ўтамиз, 2016 йилнинг 15 июлидан 16 июлга ўтар кечаси бир гуруҳ исёнчилар Туркияда ҳарбий тўнтариш қилишга уринган эди. Асосий қаршиликлар Анқара ва Истанбул шаҳарларида бўлиб ўтганди. Исён оқибатида 240 нафар Туркия фуқароси ҳалок бўлган, икки мингдан ортиқ киши яраланиб, исён бостирилган эди.
