Россиянинг Ульяновск прокуратураси бувисининг жасади ёнида икки кун ёлғиз қолган қизча касалхонага ётқизилгандан кейин суриштирув ишларини бошлади, деб хабар берди Ria.ru нашри, бу ҳақда нашрга прокурор ёрдамчиси Василий Зима маълум қилди.
Унинг сўзларига қараганда, қизчада ўткир невроз касаллиги аниқланган. Икки ёшли қизчани онаси ёлғиз ўстирган. Аёл Туркияга ишлашга кетгандан кейин қизча Ульяновск шаҳрида бувиси билан қолган. Тахминларга кўра? буви 17 июль куни вафот этган. Қизчанинг онаси уйга қўнғироқ қилганда ҳеч ким жавоб бермаган. Шундан кейин аёл хавотирланиб, Ульяновскка қайтиб келган. Аёл уйга келганда онасининг жасадини ва стрессга тушган қизини кўрган.
Суриштирув ишларидан кейин прокуратура профилактика тизимидаги тегишли мутасаддиларнинг ҳаракатларига баҳо беради.
