Маълумки, яқин вақтлардан бери Ўзбекистонда ишлаб чиқарилган автомобилларни сотиб олишнинг қулай имкониятлари пайдо бўлганди. Миллий валютада, нақд ва нақдсиз тўлов, ва энг муҳими – кредитга.
Бироқ куни кеча «Даракчи» редакциясига автокредит хизматидан фойдалан олмаган муштарийдан мурожаат келиб тушди. Ушбу мурожаатнинг тагини суриштириш мақсадида таҳририятимиз мамлакатдаги барча банкларга қўнғироқ қилиб чиқди.
Тасдиқлаймиз: дарҳақиқат айни кунда бирорта ҳам молия муассаси томонидан кредитга автомобиль берилмаяпти.
Шундай қилиб, Ўзсаноатқурилишбанк, Ипак йўли, Ипотека, Ҳамкорбанк, Турон, Туркистон, Траст ва бошқа банкларда бу хизмат мавжуд, аммо уларнинг барчалари бир вақтда тариф ва фоизларни кўриб чиқиш мақсадида ушбу хизматни тақдим этишни вақтинча тўхтатишган.
Ушбу банк вакилларининг сўзларига кўра, автони кредитга олиш хизматининг тез орада имкони яна қайтади (бир ойгача муддат ичида). ТИФ Миллий банк, Савдогар банк, Халк банк, Қишлоқ қурилиш банкларида автокредитлар умуман берилмайди. Микрокредитбанкнинг оператори билан боғланишнинг имкони бўлмади.
Энг ажабланарли томони, ҳатто “Асака банки”да ҳам ушбу хизматни кўрсатиш вақтинча тўхтатилган. Кредит бўлими мутахассисининг маълум қилишича, айни дамда банкда қайта молиялаш ва янги фоиз ставкаларни белгилаш жараёни кечмоқда. Тез орада хизмат яна тақдим этила бошлайди.
Эслатиб ўтамиз, Ўзбекистон Республикаси Марказий банк Бошқарувининг пул-кредит сиёсати чора-тадбирларининг иқтисодиётда нархлар барқарорлигини таъминлашдаги самарадорлигини муҳокамасига бағишланган йиғилиши якуни бўйича жорий йилнинг 28 июнь кунидан қайта молиялаш ставкасини йиллик 14 фоизгача кўтариш тўғрисида қарор қабул қилинди.
25.05.2022, 10:58
Марказий банкнинг Банк хизматлари истеъмолчиларининг ҳуқуқларини ҳимоя қилиш хизматига кўплаб фуқаролардан тижорат банклари томонидан уларнинг кредит сўровлари тушунарсиз сабабга кўра рад этилаётгани юзасидан мурожаатлар келиб...29.03.2021, 17:06
Президентнинг “Оилавий тадбиркорликни ривожлантириш дастурлари доирасида амалга ошириладиган қўшимча чора-тадбирлар тўғрисида”ги қарори қабул қилинди.Қарор билан 2021 йилда Дастурлар доирасида лойиҳаларни молиялаштиришнинг манбалар кесимидаги ҳамда лойиҳаларни...04.03.2021, 17:49
Бош прокуратура ҳузуридаги Департаментнинг Гулистон шаҳар бўлими томонидан “Агробанк” АТБ Ховос филиалининг мурожаатига асосан ўтказилган терговга қадар текширувда, филиалнинг бошқарувчиси вазифасини вақтинча бажарувчиси бўлган Х.Б....05.01.2021, 21:17
2020 йил 28 декабр куни Ўзбекистон Республикаси Президентининг “Ўзбекистон Республикасининг 2021 – 2023 йилларга мўлжалланган Инвестиция дастурини амалга ошириш чора-тадбирлари тўғрисида”ги Қарори қабул қилинган эди....