АҚШ президенти Дональд Трамп Эрон ҳукумати томонидан қўлга олинган Америка фуқароларини қайтармаса, Эрон “жиддий муаммоларга” дуч келишини маълум қилди, деб хабар берди Gazeta.ru нашри.
“АҚШ президенти Дональд Трамп агар қўлга олинган Америка фуқароларини қайтармаса, Эронга нисбатан жиддий чора кўришга ваъда берди”, дейилган Оқ уй матбуот хизмати хабарида.
Трамп бундан 10 йил муқаддам Эронда йўқолган, собиқ ҳуқуқ-тартибот идораси ходими Роберт Левинсонни, бизнесменлар Сиамака ва Бакир Намозийларни қўйиб юборишни талаб қилди.
2015 йилда АҚШ президенти Барак Обама ҳам Эрондан америкалик фуқароларни озод этишни сўраган эди.
