Буюк Британиянинг Лестер кўчаларидан бирида ҳайкални ифодалаган одам йўлдан ўтаётган ўткинчига бақириб, ВВС компанияси журналистининг жонли эфирини тўхтатиб қўйишга сабаб бўлди, деб хабар берди Vesti.ru нашри.
“Жонли ҳайкал”нинг бақириши туфайли телекомпания ходимаси маҳаллий полициячи билан бўлаётган интервьюни тўхтатишга мажбур бўлди.
Видеода Британиянинг йирик телерадиокомпанияларидан бирининг ходими Эми Харрис полициячи билан мулоқот қилаётган эди. Унинг ортида турган одам-ҳайкалнинг бақиргани ва кимнидир хақорат қилгани акс этган. Ҳайкалнинг бақиришига нима сабаб бўлгани номаълум, аммо у ўзининг бу ҳаракати билан жонли эфирни тўхтатиб қўйди. Эми Харрис зудлик билан суҳбатга якун ясади ва “мазкур муаммога келгуси сафар албатта, қайтамиз”, деб сўзни қисқа қилди.
