Ўзбекистон Республикаси Президенти Шавкат Мирзиёев Покистон ҳамда Афғонистон Ислом Республикалари раҳбарларига мактуб йўллади. Уларнинг матни ТИВ расмий сайтида эълон қилинди.
Хусусан, Покистон Ислом Республикаси Президенти Мамнун Ҳусайнга битилган мактубда шундай дейилади:
“Лахор шаҳрида содир этилган портлаш оқибатида кўплаб бегуноҳ инсонларнинг қурбон бўлгани ва оғир жароҳат олгани ҳақидаги хабар бизни қаттиқ қайғуга солди”.
Шунингдек давлатимиз раҳбари Афғонистон Ислом Республикаси Президенти Муҳаммад Ашраф Ғани ва биродар Афғонистон халқига Қобул шаҳрида юз берган мудҳиш террорчилик хуружи оқибатида кўплаб бегуноҳ инсонларнинг қурбон бўлгани ва оғир жароҳат олгани муносабати билан ҳам таъзия билдирди.
Мактубда Шавкат Мирзиёев ҳалок бўлганларнинг ва жароҳат олганларнинг оила аъзолари ва яқинларига самимий ҳамдардлик туйғуларини етказиб қўйишни, жароҳат олганларни тез фурсатларда соғайиб кетишини тилади.
