АҚШ президенти Дональд Трампнинг 2005 йилда хайрия тадбирида чизган сурати Nate D. Sanders Auctions аукцион уйининг ким ошди савдосида 29 минг 184 долларга сотилди, деб хабар берди Lenta.ru нашри.
Суратда Нью-Йорк шаҳри ва кампозициянинг марказида Trump Tower осмонўпар биноси акс этган. Сурат тагига АҚШ президенти зарҳал маркер билан имзо чеккан.
Ким ошди савдоси ҳақида 24 июль куни маълум қилинган эди. Суратнинг илк нархи 9 минг доллар, деб белгиланди. Ҳозирча суратни сотиб олган харидорнинг номи ошкор этилмади.
