Тўрт ой мобайнида Венесуэладаги тартибсизликлар туфайли 120 киши қурбон бўлди, деб хабар берди Vesti.ru нашри.
Бу ҳақда 30 июль куни сайловдан кейин Конституция ассамблеясида маълум қилинди. Айнан шу куни ҳам 10 киши ҳалок бўлди. Ҳуқуқ-тартибот идораси ходимлари билан бўлган тўқнашувда икки мингдан ортиқ одам яраланди. Сайловни бекор қилишни талаб қилаётган оппозиция норозилик намойишининг муддати белгиланмаганлигини маълум қилди.
Венесуэла Конституция ассамблеяси мамлакат қонунларини ўзгартириш ҳуқуқига эга. Хорижда ҳам ассамблея сайлови қўллаб-қувватланмади. АҚШда эса президент Николас Мадурога қарши санкция киритилди.
