Британиялик Верден Хейс 101 ёшда парашютдан сакраб, дунё рекордини ўрнатди, деб хабар берди Ntv.ru нашри.
Иккинчи жаҳон уруши ветерани 4,5 метр баландликдан сакрашни амалга оширди. Хейсни қўллаб-қувватлаш учун унинг барча оила аъзолари — фарзандлари, неваралари ва чеваралари йиғилди. Рекордчи учун махсус фахрий қоровул ҳам қўйилди.
Пенсионер мазкур сакрашни хайрия мақсадида амалга ошириб, 5 минг долларга яқин пул тўплади. Йиғилган маблағ ветеранлар ва уларнинг оила аъзоларининг денгизда дам олишлари учун сарфланади. Хейснинг айтишича, у парашютдан илк маротаба ўтган йили сакраган. Ўшанда у ўзининг 100 ёшли юбилейини нишонлаган эди. Хейс ҳар куни парашютдан сакрашга тайёрлигини маълум қилди.