Идишларнинг синиши ўзи билан бало-қазоларни олиб кетади, дейишади.
Бироқ иссиқ чойли чашка компьютер ёнида тўкилиб синса,бу бало-қазонинг нақд ўзгинаси бўлади. Барча бесўнақайлар учун “Smartgrip” компанияси “Mighty Mug” термо-чашкасини таклиф этади. Ундаги суюқликни тўкиб юбориш амримаҳол.
Унинг турғунлигига чашканинг тубига қўйилган махсус вакумли тизим сабабчи. Чашкани осонлик билан столдан олиш мумкин, чунки уни столга маҳкамловчи мосламалар чашканинг тутқичи босилиши билан ўчади. Ушбу чашканинг ҳажми 0,47 литрни ташкил этади, бу катта
кишининг бир кунлик қаҳва меъёри ҳисобланади.
Айтгандай, “Mighty Mug” чашкасида бола учун илиқ сутни сақлаш мумкин, бунинг устига турғун идиш болага ичимликни тўкиб юбориш имконини бермайди. Бироқ уни идиш ювиш машинасида ювиш мумкин эмас.
Ишлаб чиқаришда биологик парчаланадиган материалларнинг фойдаланиши ва чекланган кафолат "Mighty Mug” моделини замонавий жамият учун талабгир қилади. Ишлаб чиқарувчилар вакуумли тизим фақат текис юзада ишлаши ҳақида огоҳлантиради.
<center><iframe width="560" height="315" src="//www.youtube.com/embed/xZ4_cnpnRzo" frameborder="0" allowfullscreen></iframe></center>
