“LeFigaro” нашрининг ёзишича, 6 ой давомида юз берган ғаройиб воқеалар ва буни акс
эттирган видео ушбу ҳодисада арвоҳларнинг “қўли бор” деган фикрни уйғотганди.Бироқ британиялик олимлар бу тахминни рад этди.
Видеода 25 сантиметр келадиган ҳайкалча кун ёруғида бегона кучларсиз қалин шиша ортидаги витринада турган ҳолда 180 даражага айланганини кўриш мумкин. Бунда бошқа учта ҳайкалча ҳеч қандай ҳаракатни амалга оширмаган.
Ушбу воқеа “Музейдаги тун” фильми сюжетини эслатади. Кинода музей экспонатлари тунда жонланади. Музей ходимлари Миср ҳайкалчасига кириб олган руҳни қувиш учун Индиана Жонсга мурожаат қилишга тайёр эди, бироқ британиялик муҳандис Стив Гослин бунга техника ёрдамида изоҳ топишга қарор қилди. Ҳайкалчанинг айланиш саҳнаси видеога ёзиб олинди ва пухта таҳлилдан сўнг муҳандис қуйидаги хулосага келди: ҳайкалча эрталаб соат 7 да айланишни бошлаган ва ҳаракатини музей эшиклари ёпилганидан кейин тўхтатган. Ҳайкалчанинг ҳаракатига музей ҳудудидаги автомобиль транспорти ҳаракати ва музейга келувчиларнинг қадами натижасида ҳосил бўладиган кундузги вибрациялар сабабчи деган хулосага келинди. Гослиннинг сўзларига кўра, ҳайкалчанинг асоси дўнг бўлгани боис, у бошқа текис асосга эга ҳайкалчалардан фарқли ўлароқ вибрацияларга таъсирчан. “Энди доктор Жонснинг маслаҳати талаб этилмайди”, - деб ёзади нашр.
