my5
all

ЎЗБЕКИСТОН РЕСПУБЛИКАСИ МАДАНИЯТ ВАЗИРИ ТАТАРИСТОН РЕСПУБЛИКАСИ ПРЕЗИДЕНТИ БИЛАН УЧРАШДИ

МАДАНИЯТ 26.09.2017, 10:43
1740
ЎЗБЕКИСТОН РЕСПУБЛИКАСИ МАДАНИЯТ ВАЗИРИ ТАТАРИСТОН РЕСПУБЛИКАСИ ПРЕЗИДЕНТИ БИЛАН УЧРАШДИ

Жорий йилнинг 24 сентябрь куни Алишер Навоий номидаги Ўзбекистон давлат академик катта театрида Татаристон Республикаси Президенти Рустам Минниханов ҳамда Ўзбекистон Республикаси Маданият вазири Бахтиёр Сайфуллаев ўртасида расмий учрашув бўлиб ўтди.

Маданият вазирлигининг хабар беришича, учрашув доирасида Россия Федерациясининг Ўзбекистондаги элчиси Влалимир Тюрденев, Бутунжаҳон татар конгресси ижроия раиси Ринат Закиров ҳамда татар жамоатчилик ташкилотлари вакиллари ҳам иштирок этдилар. Учрашувнинг очилиш қисмида кириш сўзи билан бошлаган Тошкентдаги татар маданий-маърифий жамоатчилик маркази директори Ришат Набиуллин Ўзбекистонда татар маданиятини ривожланиши учун барча шарт-шароитлар яратилганлиги, ҳозирги вақтда Ўзбекистон пойтахтида 100 мингдан ортиқ ҳамда, Республика миқёсида бу кўрсаткич 280 мингдан ортиқ татарлар истиқомат қилишини айтиб ўтди.

Учрашувда Татаристон Республикаси кунларини ҳар йили ўтказиш таклифи берилди. Бугунги кунда республикамизда 137 та маданий марказлар ва 7 та ҳамдўстлик уйлари фаолият юуритаётганлигини маълум қилди. Татаристон Президенти томонидан фан, таълим, ишлаб чиқариш, маданият ва санъат соҳасида ҳамкорликни кучайтириш бўйича таклифлар илгари сурилди.

Расмий учрашувда иккала томон маданият ва санъат соҳасини ривожлантириш масалаларини муҳокама қилдилар. Татаристон Президенти Ўзбекистон ҳукуматига республикамизда яшаб келаётган татарларнинг ҳамма тарафлама қўллаб қувватланишида ҳукумат раҳбарига ўз миннатдорчилигини билдирди. Бахтиёр Сайфуллаев очилиш маросимида сўзлаган нутқида ҳаммани муборакбод этиб, бу каби дўстона алоқалар бардавом бўлишини тилади.

Шарҳлар

Кун мавзуси: коронавирус
Об-ҳаво: Ташкент
+32° ясно
Валюта курси
10194.96
USD 10.23
11518.27
EUR 62.49
143.88
RUB 1.4