29 сентябрь куни Тошкент вақти билан соат 18:50 да Ўзбекистоннинг шарқий ҳудудларида ер силкиниши қайд этилди.
Европа—Ўрта ер денгизи сейсмология маркази маълумотларига кўра, зилзила магнитудаси 5,1 ни ташкил қилди.
«Тошкент» сейсмостанцияси маълумотларига кўра, зилзила эпимаркази Ўзбекистон ҳудудида Тошкентдан 233 км узоқликда, Жиззахдан 40 км жануби-шарқий йўналишида бўлган.
Тошкентда зилзила кучи 4 балл, Самарқандда - 4 балл ва Жиззахда - 5 баллни ташкил қилди. Ўзбекистоннинг бошқа ҳудудларида сейсмофаоллик сезилмади.
