Ўзбекистон Республикаси адлия вазирининг буйруғига асосан Тошкент юридик коллежи ўқитувчиларининг мурожаати юзасидан хизмат текшируви ўтказилди.
Хизмат текшируви давомида Тошкент юридик коллежи фаолиятига умумий раҳбарликни амалга оширишда Н.Темирова томонидан кадрларни ишга қабул қилишда қариндош-уруғчиликка йўл қўйилганлиги, ходимларни ишга қабул қилиш, ишда қолдиришда таъмагирлик ва қонунбузилишлар мавжудлиги, ходимларга нисбатан интизомий жазо чоралари асоссиз қўлланилганлиги, кадрлар қўнимсизлиги йилдан-йилга ошиб борганлиги, ўқув жараёнида ҳамда битирувчиларга диплом беришда қонунчилик талаблари бузилганлиги, иш юритиш ва ижро интизоми масаласига масъулиятсизлик билан ёндашилганлиги, топшириқ ва кўрсатмаларнинг тизимли равишда бажарилмаслиги ҳамда бошқа бир қатор қўпол хато ва камчиликларга йўл қўйилганлиги аниқланди.
Бундан ташқари, коллеж меҳнат жамоаси ўртасида гуруҳбозлик ва носоғлом муҳит шаклланганлиги, маънавий-тарбиявий ишларнинг ўз ҳолига ташлаб қўйилганлиги ва раҳбар ходимларнинг ўз хизмат вазифаларига масъулиятсизлик билан ёндашганлиги оқибатида 2017 йил 6 октябрь куни ўқувчилар томонидан коллеж ҳудудида оғир жиноят содир этилган.
Ўтказилган хизмат текшируви натижасига кўра, Тошкент юридик коллежи директори Н.Темирова томонидан бир қатор қонун ҳужжатлари талаблари бузилган деб топилган.
Хизмат текшируви давомида аниқланган ҳолатлар бўйича тегишли ҳуқуқий баҳо бериш учун текширув материаллари тегишли ҳуқуқни муҳофаза қилувчи органларга юборилди ҳамда бугунги кунда улар томонидан коллежда тегишли ўрганишлар олиб борилмоқда.
Шунингдек, 2017 йил 7 октябрь куни Ўзбекистон Республикаси Президенти девони, Адлия, Олий ва ўрта махсус таълим вазирликларининг масъул раҳбар ходимлари иштирокида ўтказилган йиғилишда коллеж раҳбарияти томонидан йўл қўйилган хато ва камчиликлар коллеж ходимлари ва ўқитувчилари иштирокида муҳокама қилиниб, ташкилий масала кўрилди.
Юқоридагиларга асосан, иш фаолиятида йўл қўйган жиддий хато ва камчиликлари учун Тошкент юридик коллежи директори Наталья Сабировна Темирова
“2-даражали адлия маслаҳатчиси” махсус унвон-мартаба даражасидан маҳрум қилиниб, эгаллаб турган лавозимидан озод этилди.
22.01.2021, 14:40
Президент Шавкат Мирзиёев Бухорога ташрифи давомида янги қарор лойиҳасини икки ҳафта муддат ичида ишлаб чиқиш бўйича мутасаддиларга топшириқ берди."Даракчи" мухбири Сардорбек Раҳмонқуловнинг хабар беришича, янги...
09.11.2020, 09:24
Жорий йилнинг 3 ноябрь куни Самарқанд вилояти ИИБ Хавфсиз туризмни таъминлаш бошқармаси ҳамда вилоят ИИБ ЖҚБ Иқтисодий жиноятларга қарши курашиш бўлими ходимлари томонидан тезкор тадбир...
14.11.2019, 09:39
Ўзбекистон ёшлар иттифоқи Қашқадарё вилоят Кенгаши раис ўринбосари - вилоят “Камалак” болалар ташкилоти раиси лавозимида ишлаб келаётган Нилуфар Бойқобиловна Назарова Қашқадарё вилоят юридик коллежи директорининг...
12.07.2017, 09:52
Президент ташаббуси билан 2017/2018 ўқув йилларида 10–11-синфларнинг очилиши муносабати билан Тошкентда қайси касб-ҳунар коллеж ва академик лицейлар ёпилиши маълум бўлди. Бу ҳақда Олий ва ўрта...
