Алишер Навоий номли кино саройда янги премьера кутилмоқда.
Режиссёр Саид Мухторов ҳамда «Дилшоҳ медиа» кинокомпанияси томонидан суратга олинган «Кулба» номли фильмнинг премьера санаси эълон қилинди.
Кинокартинани суратга олиш учун бир йилдан ортиқ тайёргарлик кўрилган бўлиб, унда Ўзбекистон халқ артистлари Убайдулла Омон, Гавҳар Зокирова, Яйра Абдуллаева, Рихси Иброҳимова, Ўзбекистон санъат арбоби Исамат Эргашев, Ўзбекистонда хизмат кўрсатган артистлар Саида Раметова, Мадина Муҳторова, Фатҳулла Маъсудов ҳамда бошқалар роль ижро қилишган.
Фильмнинг сценарий муаллифи Аҳрор Нурмуҳаммад, оператор Таълат Мансуров, продюсер Маҳмуд Эркабаев. «Кулба» фильмининг тақдимот маросими 27 октябрь куни бўлиб, 28 октябрдан уни юртимизнинг барча кинотеатрларида томоша қилиш мумкин.
Қуйида фильмни суратга олиш жараёнидан лавҳаларни томоша қилишингиз мумкин.
