Ўзбекистон бадиий жамоалари ижодий бирлашмаси томонидан мақом ижрочилигини кенг тарғиб этиш мақсадида бир қатор вилоятларда “Мақом кечаси” концерт дастурлари намойиш этилади.
Жумладан, 20 декабрь куни Фарғона вилоятидаги Ислом Каримов номидаги санъат саройида, 22 декабрда Самарқанд санъат коллежининг санъат саройида, 23 декабрда Бухоро вилояти мусиқали драма театрида, 25 декабрь куни эса Хоразм вилояти Хива тумани “Саёт” маданият марказида бўлиб ўтади.
