Фарғона шаҳар марказига 28 метрдан иборат арча ўрнатилди. Уни безатиш учун 5 минг метрдан ортиқ зар-безак, 3 мингга яқин ўйинчоқлар, 2 минг метрга яқин чироқлар сарф этилди. Арчанинг узунлиги 25 метр бўлиб, у янада ёрқин ва чиройли кўриниши учун 3 метрлик юлдузча ҳам ўрнатилди. Бу эса Фарғонанинг марказида ўрнатилган арчага янада кўрк бахш этиб турибди.
Шунингдек, арча ёнида чанғидан кетаётган 2017-йил ҳамда буғилар билан тантанали равишда кириб келаётгани 2018 йил акс этган. Фарғона марказида жойлашган бу каттакон арча барча аҳолини шод этган рост. Буни эса кеча-ю, кундуз арчани олдида тинимсиз сураъга тушаётган ёки мобил телефонига тасвирлаётганларига гувоҳ бўламиз. Уларнинг хурсандлигини эса ҳар бир жараёнларни қувончли воқеадек шарҳлаб ижтимоий тармоқларига жойлаётганларидан билсак бўлади.
Эслатиб ўтамиз, Фарғона шаҳридаги Аҳмад Фарғоний номидаги истироҳат боғига 20 метрлик, Марғилон шаҳридаги Темир йўл вокзали олдига 22 метрлик каттакон арчалар безатилган. Шунингдек, вилоятнинг шаҳар ва туманлари марказига ҳам ана шундай каттакон арчалар ўрнатиш ишлари давом этмоқда.
Аҳрор Зиё, Фарғона
