ҲАЁТИНИ ХАВФ ОСТИГА ҚЎЙИБ, БОЛАНИ ҚУТҚАРГАН СОБИҚ ПОЛИЦИЯЧИ

Бу воқеа Россиянинг Урал ўлкасида содир бўлди. Илгари ЙҲХБда ишлаган собиқ полициячи рафиқаси билан бозор-ўчар қилишга кетаётганда йўлнинг ўртасида турган уч ёшли қизчага кўзи тушди. Сергей Фролов (қаҳрамонимизнинг исм-фамилияси) дарров тормозни босиб, қўрқувдан қотиб турган қизчани қутқариш учун ўзини “ГАЗел” машинасининг тагига ташлади. Агар яна бир неча сония кеч қолганда қизалоқ автомобиль ғилдираклари тагида қолган бўларди... Яхшиямки, у болани қўлига олиб, йўл четига сакрашга улгурди, натижада ҳеч ким жабрланмади.