Қозоғистоннинг Остона шаҳрида Янги йил арчаси ёниб кетди, деб хабар берди Tengrinews.kz нашри.
Нашрнинг хабар беришича, 25 декабрь куни тонгда ёнғин хавфсизлик бўлимига шаҳарнинг Турон кўчасига ўрнатилган байрам арчаси ёнаётганлиги ҳақида хабар келиб тушган. Воқеа жойига етиб келган ўт ўчирувчилар сунъий арчанинг ёнаётганлигига гувоҳ бўлишди. Ўт ўчирувчиларнинг тезкор ҳаракатлари натижасида ёнғин тезда ўчирилди. Айни вақтда ёнғин сабаблари ўрганилмоқда. Ёнғиндан ҳеч ким жабрланмади. Яқин кунларда ёниб кетган арча ўрнига янгисини ўрнатиш кўзда тутилди.
Қозоғистон республикаси Фавқулодда вазиятлар қўмитаси фуқароларни ёнғин хавфсизлиги қоидаларига риоя қилишга чақирди.
