Россия Молия вазирлиги илк маротаба давлат федерал органлари, шу жумладан вазирлик ходимларининг ойлик маошларини эълон қилди, деб хабар берди Lenta.ru нашри.
2016 йилда молия вазири Антон Силуанов энг кўп – ойига 1,7 миллион рубль маош олган. Иқтисодиётни ривожлантириш вазири 1,3 миллион рубль, Энергетика вазири 1,2 миллион рубль, ФВВ раҳбари эса сал камроқ – 954 минг рубль, саноат вазири эса 921 минг рубль ойлик олган. Молия вазирлигининг очиқ маълумотлар базасида мамлакатнинг Мудофаа, ИИВ, ФХБ, Ички разведка хизмати ва Россия президентининг ойлик маошлари кўрсатилмаган.
Октябрь ойида Россия президенти Владимир Путин ўзининг ва давлат амалдорларининг маошларини 10 фоизга камайтиришни узайтирган эди. Путин берган декларацияга мувофиқ у 2016 йилда 8,8 миллион рубль ишлаб топган.
