Япониянинг Осака префуктурасидаги Неягава шаҳар полицияси қизига нисбатан зулм ўтказиб, унинг ўлимига сабабчи бўлган эр-хотинни ҳибсга олди, деб хабар берди Ntv.ru нашри.
33 ёшли Аири Какимото бўйи 145 сантиметр бўлишига қарамай, вазни 19 килограмм бўлган. У умрининг 15 йилини устидан қулфланган ҳолда кичкина хонада ўтказган.
Қизнинг отаси 55 ёшли Ясутака Какимото ва онаси 53 ёшли Иукари Какимотолар ҳибсга олинди. Улар ўз айбларини бўйниларига олишди. Эр-хотин қизи Аирини майдони бор-йўғи уч квадрат метр бўлган тор хонага қамаб, кунига атиги бир марта овқат беришган.
Уларнинг бундай зулмкорона йўл тутишига Аирининг руҳий хасталиги сабаб бўлган ва унинг атрофдагиларга хавф туғдирмаслиги учун устидан қулфлаб қўйишган.
Хонага камера ўрнатилган бўлиб, эр-хотин қизни мунтазам равишда кузатишган. Оиланинг уйи икки метрли девор билан тўсилган. Қизнинг жасади текширилганда у 18 декабрь куни калтак зарбидан оламдан ўтганлиги маълум бўлди.
Японияда руҳий касалликка чалинган одамларга негатив муносабатда бўлинади. Бундай фарзандга эга оиладан ҳамма юз ўгиради. Шунинг учун ҳам яқини руҳий касалликка чалинган оилалар уларни яширишга мажбур бўлишади.
