САХОВАТПЕША ТОМ КРУЗ

Голлувуд актёри Том Круз иштирок этган фильмларни ҳаммамиз севиб томоша қиламиз. У нафақат кинода, балки ҳаётда ҳам бағрикенг инсонлигини исботлади. 1996 йилда Том Круз йўлда кетаётган қизни машина уриб кетганлигининг гувоҳи бўлди. Автомобиль ҳайдовчиси қизга ёрдам бериш ўрнига воқеа жойидан яширинди. Буни кўрган актёр машинасини тўхтатиб, “Тез ёрдам”га қўнғироқ қилди. То қутқарувчилар етиб келгунга қадар қизнинг олдидан бир қадам жилмади. Том Круз “Тез ёрдам” билан бирга касалхонага борди. Касалхонада қизнинг тиббий суғуртаси йўқлиги маълум бўлгач, унинг даволаниши учун касалхона ҳисобига 7000 доллар пул ўтказди.