Goal нашри янги йилда диққат билан кузатилиши керак бўлган ёш иқтидорли футболчилар (21-ёшгача) рўйхатини тузиб чиқди. Келаётган ўн икки ойда чарм тўп дунёсида қизиқарли ва шов-шувли воқеаларга бой бўлиши кутилмоқда.
2017-йилда 21 ёшгача бўлганлар орасида, Килиан Мбаппе, Доннарумма, Рэшфорд, Вернер, Пулишич, Дембеле ва Асенсио каби истеъдод эгалари ўзларини ижобий тарафдан кўрсата олишди. 2018-йилда қайси “юлдузчалар” ўзларини кўрсатишади? Қуйида истиқболдаги дунё юлдузлари билан танишиб чиқишингиз мумкин.
Хуссам Ауар (“Лион”)
Францияда у ортиқ нотаниш футболчи эмас. Гарчи у ҳали 1 Лигада тўлиқ мавсумни ўтказмаган бўлсада, кўп қиррали ярим ҳимоячи “Лион” сафида ўзининг нималарга қодирлигини кўрсатди. Асли жазоирлик футболчи ўзининг фаоллиги, техникаси ва тўғри қарор қабул қила олиши билан ажралиб турмоқда. 8-рақам эгаси ярим ҳимояда, вингерлик, ҳужумкор ярим ҳимоячи каби ўйнай олади ва янги йилда у янада кўпроқ муваффақиятларга эришиши кутилмоқда.
Трент Александр-Арнольд (“Ливерпуль”)
У Англия чемпионатида 2 016-йилда дебют қилиб, ҳисобида 20 та ўйин ҳам ўйин йўқ. Аммо “Туманли Альбион”дагилар унинг порлоқ келажак кутаётганини бошлаб юборишган. 19 ёшида ўнг қанот ҳимоячиси “қизиллар” ҳимоясининг асосий қисмига айланиб улгурган. “Ливерпуль” академиясига шахсан Стивен Жеррард томонидан олиб келинган ёш иқтидорли футболчини бу йилги Мундиалда Англия таркибида кўрсак ҳам ажабланмаслик керак.
Сандер Берж (“Генк”)
Берж Бельгия чемпионатининг бу мавсум кашфиётларидан бири ҳисобланади. Норвегия чемпионати вакили “Валеренга”дан келган таянч ярим ҳимоячиси юқори истиқболли иқтидорга эга эканлигини кўрсата олди. Баҳс бойлаш мумкинки, у Жупилер Лигасида узоқ вақт қолиб кетмайди.
Федерика Кьеза (“Фиорентина”)
У албатта отаси Энрико каби ўзини кўрсатгани йўқ, аммо у ундан ўзиб кета олишини исботламоқда. У А Серияда ҳайратлантирувчи статистикаларни қайд қилмаётган бўлсада, у ўз тенгқурларидан анча илгарилаб кетганини кўриш мумкин. Goal Italie мухбири Федерико Касотти унга қуйидагича таъриф беради: “У тезкор, мослашувчан, жамоа учун ўйнайди ва техникаси ўта юқори футболчи. У жуда камтар ва анча улғайган.”
Пабло Маффео (“Жирона”)
У Ла Лига гранди сафида ўйнамаяпти, бироқ бутун Испаниянинг нигоҳи унда. 20 ёшида ҳам иқтидорли ҳимоячи кузатувчиларнинг эътиборини тортишга мушарраф бўлган. “Жирона” сафида у юқори савиядаги ўйинларни намойиш қила олмоқда. Бу каталон футболчиси “Барселона” академиясидан чиқмаган, бироқ унда “Ла Масия”дагиларга хос барча сифатлар бор. Тўп билан муомала қилиш, ажойиб қарши ҳужум, ўйинни ўқий олиш ва ташаббусни ўз қўлига олиш каби сифатлар мужассам.
Микель Ойарсабаль (“Реал Сосьедад”)
Ўтган апрелда 20 ёшга кирган футболчининг ҳисобида аллақачон Ла Лиганинг 87 ўйини бор. Бу эса вингернинг иқтидори ва тезкор ривожланишидан дарак беради. “Реал Сосьедад” сафида чапақай футболчи рақиб ҳимоячиларига ҳақиқий бошоғриғи бўлмоқда. У айни вақтда ўз позициясида Испаниянинг энг яхшиси бўлиб турибди ва ажаб эмас тез орада Хулен Лопетегининг ҳам ишончини оқлай олса.
Борха Майораль (“Реал Мадрид”)
Майорал “Реал Мадрид”нинг иккинчи рақамли марказий хужумчиси! Бу мақом ҳам умумий равишда ҳужумчининг сифатлари сайқалланиб боришига етарли бўлмоқда. 20 ёшида “Кастилья” маҳсулоти “Сантьяго Бернабеу”да ўзини тўлиқ кўрсата олмаяпти. У ҳатто бир йилга “Вольфсбург”га “сургун” ҳам қилинди. Аммо мунтазам ўйин амалиётига эга бўлиш бу вақт масаласи ҳисобланади.
Эзекиель Барко (“Индепендьенте”)
Европада у ҳали машҳур эмас. Бироқ у ўз ватани Аргентинада, анча номдор бўлиб улгурган. Умидли ҳужумкор ярим ҳимоячи Аргентина чемпионатида дебютини ўтказганида ҳали 17 га ҳам кирмаган эди. Бу эса унинг етарлича қобилиятли экани ва улғайганидан далолат беради. Габи Милито қўли остида у 4 гол ва 2 голли узатмани амалга оширган.
Жастин Клюйверт (“Аякс”)
У аллақачон футбол ихлосмандлари ва скаутлар назарига тушган. Бунга унинг машҳур футболчининг ўғли эканлиги ягона сабаб эмас. “Аякс” сафида у ранг-баранглик бағишламоқда ва ундан рақиблар мунтазам таҳдид кўрмоқда. Қизиқарли дебютидан кейин у ўтган мавсум мобайнида тезкорлик билан юқори савияга кўтарилиб бормоқда. Ўтган ноябрь ойида у Эредивизияда отаси эришолмаган рекордни ўрнатди. У хет-трикка эришди.
Рубен Невес (“Вулверхемптон”)
У Англиянинг иккинчи дивизионида ўйнамоқда лекин у гранд жамоада ҳам ўйнаб кета олишини кўрсатмоқда. Унинг аниқ паслар узата олишини таъкидлаган ҳолда айтиш мумкинки, катта иқтидор соҳиби. 20 ёшли футболчини ватандоши Жоао Моутиньога ўхшатишмоқда. “Бўрилар” билан у 251 узатмани ҳаводан етказиб берган. Амалга оширилган коэффициенти 69,7 % га етади. Чемпионшипдагиларнинг бирортаси бундай кўрсаткичга эга эмас. “Селесао” таркибида тўрт ўйин ўтказган ёш иқтидор эгаси “бўрилар” сафида абадий қолиб кетмайди. Унга минтақанинг энг номдор жамоалари қизиқиш билдирмоқда.
Сардор Абдуғаниев тайёрлади
