Америка Қўшма Штатлари 4 январь куни “виждон эркинлиги ва диний эркинлик соҳасида бузилишлар” бўлаётган 10 та мамлакат рўйхатини эълон қилди, деб хабар берди Ru.krymr.com нашри.
Мазкур рўйхатдан Тожикистон, Туркманистон ва Ўзбекистон ҳам ўрин олган.
АҚШ Давлат департаменти томонидан пайшанба куни эълон қилинган баёнотда айтилишича, бу рўйхатдан Эрон, Хитой, Шимолий Корея, Мьянма, Эритрея, Судан ва Саудия Арабистони ҳам жой олган. Ушбу давлатлар ўтган йили ҳам рўйхатга киритилганди.
Давлат департаменти баёнотида Покистон алоҳида таъкидланган – Вашингтон ушбу мамлакатда “диний эркинликлар жиддий бузилаётганидан” ташвишда эканлигини маълум қилган.
