Икки карра “Оскар” мукофоти соҳиби Теренс Марш 87 ёшида ҳаётдан кўз юмди, дея хабар бермоқда Novayagazeta.ru нашри.
Марш 9 январь куни вафот этганди, лекин бу қайғули хабар оммага сал кечроқ эълон қилинди. У умрининг сўнгги тўрт йилини саратон касаллиги билан курашиб ўтказди.
Теренс Марш 1931 йили 14 ноябрда Лондон шаҳрида таваллуд топганди. У ўзининг кинодаги карьерасини ўтган асрнинг 50-йилларидан бошлаган.
Маршни машҳур қилган фильмлар – ўша машҳур “Шоушенкдан қочиш” ҳамда “Яшил йўлак” эди. Постановкачи-рассом “Доктор Живаго” ва “Оливер!” фильмлари учун икки маротаба “Оскар” мукофотига лойиқ кўрилган.
