Бугун "Ўзбеккино" Миллий агентлиги ҳамда "Ўзбекфильм" киностудиясининг аҳил жамоаси Ўзбекистон Республикаси санъат арбоби, "Ўзбекфильм" киностудияси режиссёри, ўзбек миллий кинематографиясининг забардаст намояндаларидан бири Зулфиқор Мусоқовни таваллудининг 60 йиллиги билан табриклаш учун жам бўлди.
Йиғилганлар устозга ўзларининг энг эзгу тилакларини изҳор этдилар.
Зулфиқор Мусоқов ўз режиссёрлик фаолиятини 1989 йилдан бошлаган. Унинг илк суратга олган "Солдат қиссаси" фильми гарчи диплом иши бўлишига қарамай ҳамманинг эътиборини тортган. Фильм 1990 йилда Киевда ўтказилган Халқаро кинофестивалда Гран-Прини қўлга киритди. Бундан ташқари у "Қалдирғоч", "Ойижон", "Осмондаги болалар-1,2", "Ватан", "Ой остидаги ҳовли" каби бадиий фильмларни ва "Аёл зоти" каби телесериални яратган.
У комедия жанрига қизиққан ва изланувчан қобилият эгасидир. У яратган «Абдуллажон», «Бомба», «Яратганга шукур», «Кичкина табиб», «Калиш» бадиий фильмлари томошабинлар орасида катта муваффақиятларга эришди, шу билан бирга танқидчиларнинг ҳам эътиборини тортди.
Режиссёрлик фаолиятидан ташқари Зулфиқор Мусоқов сценарийлар муаллифи ҳамдир. Жумладан «Маклер», «Тарри ва чапга», «Камбағал одамлар», «Биринчи бўса» каби бир қатор фильмлар учун сценарийлар ёзган.
«Солдат қиссаси» фильми 1990 г. йилда Москвада ўтказилган Дебют Халқаро кинофестивалда Гран-При, «Абдуллажон» фильми 1991 йилда Ўзбекистонда энг яхши ўзбек фильм учун "Олтин грифон" соврини ва 1994 йилда Токиода энг яхши хориж фильми соврини билан, "Камбағал одамлар" фильми 1992 йилда Швецарияда энг яхши сценарий соврини билан, "Бомба" фильми Германияда 1995 йилда ўтказилган Халқаро кинофестивалда махсус соврин билан, "Кичкина табиб" 1996 йилда Артек Халқаро кинофестивалида "Энг яхши эртак" соврини билан, "Яратганга шукур" фильми 1997 йилда Токиода ўтказилган кин фестивалда махсус соври билан мукофотланган "Аёл зоти" видеофильми Тошкент шаҳрида «Олтин замин» соврини билан "Ойижон" фильми 2000 йилда Россия Киношок фестивалида махсус соврин, "Осмондаги болалар"
Зулфиқор Мусоқов фильмлари халқчиллиги билан ажралиб туради. Режиссёрнинг "Ватан" фильми 2007 йилда Малайзияда ўтказилган 50-Халқаро кинофестивалда "Осиёнинг энг яхши фильми" номинациясига даъвогарлик қилган.
2011 йилда режиссёр суратга олган "Қўрғошин" бадиий фильми Россияда бўлиб ўтган "Киношок" Халқаро кинофестивалида қатнашиб "Энг яхши сценарий" номинацияси совриндори бўлган.
«Ўзбеккино» Миллий агентлиги жамоаси Зулфиқор Мусоқовнинг миллий кинематография равнақига қўшаётган ҳиссасини қадрлайди ва ижодкорга келгуси ишларида улкан зафарлар тилайди, унинг муаллифлигида яна кўплаб бетакор экран асарларининг яратилишига ишонади.
