Хитойнинг Гуандун провинциясидаги Фошань шаҳри марказидаги катта йўл ўпирилиб, одамларни ютиб юборди, деб хабар берди lenta.ru нашри.
Хабар қилинишича, 7 февраль куни кечқурун саккиз чизиқли йўл ўпирилган. Ичида сув бўлган ўпирилган жойга тушиб кетган 8 одам ҳалок бўлган, тўққиз киши қутқариб қолинган, уч киши эса бедарак йўқолган. Чуқурлик етти метрни ташкил этиб, унинг кенглиги икки баскетбол майдонига тенг.
Дастлабки тахминларга кўра, йўлнинг ўпирилишига тешик қувурлардан оққан сув сабаб бўлган. Сув аввалига йўл ёнида қурилаётган метро конструкциясини ишдан чиқарган, кейин эса ўпирилиш ҳосил бўлган. Ҳозирда воқеага ойдинлик киритилмоқда. Ҳодиса юз берган жойда шошилинч хизмат ходимлари иш олиб бормоқда.
