“Sevimli Tv” да намойиш этилаётган “Ичкарида” турк сериали кўп сонли томошабинларни эътиборини тортди, десак адашмаймиз. Болалигида айрилган икки ака-ука, асли ҳақиқатни билмай катта бўлиши ва йиллар давомида бир-бирига қасдма-қасд курашишлари устига қурилган воқеалар ривожи унга бўлган қизиқишни янада оширмоқда. Қуйида бош қаҳрамони Сарпларнинг ҳаёти ва ижоди ҳақида маълумотларни ўқишингиз мумкин.
Болалик...
Арас Булут Ийнемлини бутун дунёга машҳур қилган роли — “Муҳташам юз йил”нинг тўртинчи мавсумидир. У 1990 йил Истанбулда туғилган. Актёрнинг бир акаси ва синглиси бор. Таъкидлаш керакки, уларнинг иккиси ҳам ижодкор. Акаси сценарийнавис бўлса, синглиси мусиқа оламининг вакили.
Техникадан санъатгача...
Араснинг ёши улғайиб, соҳани танлаш вақти келганда Техника университетининг авиация бўлимини танлаган. Аммо оиладаги ижодий муҳит уни санъатга тобора яқинлаштириб борарди. Шу сабаб ҳам у 16 ёшлигидаёқ “Қайтиш аллеяси” сериалида роль ижро этган. Ҳатто бугунги кунда ҳам турк телевидениесида “айлантириладиган” сериалда актёрнинг ёшлигини қайта-қайта кўриш мумкин. Бироз бўлса-да, машҳурлик олиб келган ушбу йирик сериалдан сўнг Арас, реклама роликлари қиролига айланди.
Турли чой ва қаҳваларнинг катта-кичик роликларида турли обрзларда чиқа бошлаган. Шундан сўнг, ёдда қоларлик ташқи кўриниши билан продюссерлар назарига тушган актёр, кетма-кет турли жанрдаги кинолойиҳаларда иштирок этишни давом этган. “Бебаҳо вақт” сериалида иккинчи даражали роли эса унинг Туркиянинг нуфузли мукофотларини қўлга киритишга сабаб бўлган.
23 ёшида эса актёр учун янги босқич бошланди. У тарихий сериал “Муҳташам юз йил” га кириб бориб, ҳақиқий машҳурлик чўққисига эришган.
Арас Булут Ийнемлининг сўнгги сериали “Ичкарида” бўлиб, айни кунларда продюсерларнинг янги таклифларини ўйлаб чиқмоқда.
Алия СУЛАЙМАНОВА тайёрлади
